ریاض (وقار نسیم وامق) سعودی عرب کے دارالحکومت ریاض میں یومِ پاکستان کے موقع پر سفارت خانہ پاکستان میں پرچم کشائی کی پروقار تقریب منعقد ہوئی جس میں سفارتی
ریاض (وقار نسیم وامق) سعودی عرب کے دارالحکومت ریاض میں یومِ پاکستان کے موقع پر سفارت خانہ پاکستان میں پرچم کشائی کی پروقار تقریب منعقد ہوئی جس میں سفارتی عملہ، مسلح افواج کے افسران خواتین، مرد اور بچوں کی بڑی تعداد شریک ہوئی۔
پرچم کشائی کی تقریب میں سفیرِ پاکستان احمد فاروق نے قومی ترانے کی دھن پر پرچم کشائی کی اور اس موقع پر اتحاد و یکجہتی کے پیغام پر زور دیتے ہوئے کہا کہ یومِ پاکستان ہمیں اس عہد کی یاد دلاتا ہے جب مسلمانانِ برصغیر نے قراردادِ پاکستان پیش کرکے ایک آزاد وطن کے قیام کی بنیاد رکھی اور ہمارے بزرگوں کی جدوجہد اور قربانیوں کے نتیجے میں پاکستان معرض وجود میں آیا۔
