کویت میں منیٰ الاحمدی آئل ریفائنری پر ڈرون حملہ، متعدد یونٹس میں آگ لگ گئی

کویت سٹی (ڈیلی پاکستان آن لائن )کویت پیٹرولیم کوآپریشن کی منیٰ الاحمدی آئل ریفائنری پر جمعہ کی صبح متعدد ڈرون حملے کیے گئے، جس کے نتیجے میں ریفائنری کے بعض یونٹس میں آگ بھڑک اٹھی۔

سرکاری خبر رساں ادارے کویت نیوز ایجنسی کے مطابق حملوں کے بعد کچھ یونٹس کو عارضی طور پر بند کر دیا گیا ہے، تاہم کسی جانی نقصان کی اطلاع نہیں ملی۔

حکام کے مطابق آگ بجھانے اور ہنگامی امدادی ٹیموں کو فوری طور پر جائے وقوعہ پر تعینات کر دیا گیا ہے اور صورتحال کو قابو میں لانے کی کوششیں جاری ہیں۔