لاہور(ڈیلی پاکستان آن لائن)سابق وزیرِ اعلیٰ پنجاب چودھری پرویز الہٰی کے وکیل نے منی لانڈرنگ کیس میں ایک روزہ حاضری سے معافی کی درخواست دائر کر دی۔
روزنامہ جنگ کے مطابق لاہور کی سپیشل سینٹرل عدالت میں دائر کی گئی درخواست میں یہ مؤقف اختیار کیا گیا ہے کہ چودھری پرویز الہٰی کی طبعیت ناساز ہے اور ڈاکٹرز نے انہیں آرام کا مشورہ دیا ہے۔
وکیل نے استدعا کی ہے کہ عدالت چودھری پرویز الہٰی کی ایک روزہ حاضری سے معافی کی درخواست منظور کرے۔
واضح رہے کہ عدالت نے چودھری پرویز الہٰی کی بریت کی درخواست پر وکلاء سے دلائل طلب کر رکھے ہیں۔
