نیویارک(ڈیلی پاکستان آن لائن)اقوام متحدہ کے سیکرٹری جنرل انتونیو گوتیرس کے ترجمان سٹیفن ڈوجارک نے امریکہ اور ایران کے درمیان بڑھتی ہوئی کشیدگی پر گہری تشویش ظاہر کی ہے۔
بی بی سی اردو کے مطابق اپنے بیان میں انھوں نے خبردار کیا کہ اگر صورتحال دوبارہ مکمل جنگ کی طرف جاتی ہے تو اس کی قیمت عام شہریوں کو ادا کرنا پڑے گی۔
سٹیفن ڈوجارک کے مطابق ’مکمل اور بڑے پیمانے کی جنگ شہری آبادی کے لیے ناقابل برداشت نتائج لائے گی۔‘
ان کا کہنا تھا کہ ایسے کسی بھی تنازع کے اثرات صرف خطے تک محدود نہیں رہیں گے بلکہ بین الاقوامی امن و سلامتی اور عالمی معیشت پر بھی تباہ کن اثرات مرتب ہو سکتے ہیں۔
