گلگت ( ڈیلی پاکستان آن لائن ) پاکستان مسلم لیگ (ن )کے رہنما خواجہ سعد رفیق نے کہا ہے کہ تعصب کی بات نہیں کام کا موازنہ کر لیں، فیصلہ آپ کے ہاتھ میں ہے۔
’’جنگ ‘‘ کے مطابق گلگت میں جلسے سے خطاب میں خواجہ سعد رفیق نے کہا کہ کھوکھلے نعروں کا شکار نہ ہوں، انتشار پھیلانے، ریاستی اداروں پر حملے کرنے والے، یا جمہوریت کا لبادہ پہن کر پاکستان کے بڑے شہروں کو کھنڈر بنانے والے آپ کے مسئلے حل نہیں کر سکتے۔ تعصب کی بات نہیں کام کا موازنہ کر لیں، کیا آپ گلگت بلتستان کو کھنڈر بنتا دیکھنا چاہتے ہیں یا لاہور اور پنجاب کی طرح ترقی دینا چاہتے ہیں۔ فیصلہ آپ کے ہاتھ میں ہے۔
