22 سال قبل دہرے قتل کے مقدمے میں نامزد اشتہاری ملزم کو گرفتار کرلیا گیا

کراچی(ڈیلی پاکستان آن لائن)22 سال قبل دہرے قتل کے مقدمے میں نامزد اشتہاری ملزم کو گرفتار کرلیا گیا۔

ایس ایس پی کیماڑی امجد شیخ کے مطابق ملزم نے سال 2003 میں ذاتی رنجش کی بنا پر باپ اور بیٹے کو قتل کیا تھا، مقتول سہیل اور محمد اسماعیل کو سر اور چہرے پر گولیاں ماری گئی تھیں۔

ایس ایس پی کیماڑی نے بتایا کہ تھانہ بلدیہ میں 5 نامزد ملزمان کے خلاف قتل کا مقدمہ درج ہوا تھا، مقدمےکا مرکزی ملزم عرصہ دراز سے فرار تھا جو فرضی نام استعمال کرتا تھا۔

کیماڑی اور بلدیہ پولیس نے تکنیکی بنیاد پر اہم کارروائی کی جس دوران 22 سال قبل دہرے قتل کے مقدمے میں نامزد اشتہاری ملزم کو گرفتار کرلیا گیا۔

ملزم عمران ناگوری عرف اقبال سےمزید تفتیش کا سلسلہ ہے جب کہ مزید قانونی کارروائی عمل میں لائی جارہی ہے۔