پی سی بی کن کھلاڑیوں کو بھارت سے شکست کے بعد ٹیم سے ڈراپ کرنے  کا سوچ رہاہے ؟ بڑا دعویٰ سامنے آ گیا 

لاہور (ڈیلی پاکستان آن لائن )چیمپئنز ٹرافی میں ناقص کارکردگی کی وجہ سے ڈراپ ہونے کے خدشے کے پیش نظر پاکستان کرکٹ ٹیم کے سینئر کھلاڑیوں نے اگلی سیریز میں بریک لینے کے لیے مشاورت شروع کردی۔

نجی ٹی وی جیونیوز نے ذرائع سے دعویٰ کیاہے کہ ذرائع کا بتانا ہے کہ پاکستان کرکٹ بورڈ کے اعلیٰ عہدیدار قومی کھلاڑیوں کی ناقص کارکردگی کی وجہ سے سخت ناخوش ہیں۔ پاکستان کرکٹ ٹیم کے سئنیر کھلاڑیوں نےنیوزی لینڈ کے خلاف سیریز کے لیے "بریک" لینے پر مشاورت شروع کر دی ہے، کچھ کھلاڑی دورہ نیوزی لینڈ سے دستبردار ہو سکتے ہیں۔

خیال رہے کہ پاکستان کو چیمپئنز ٹرافی کے پہلے میچ میں نیوزی لینڈ نے 60 رنز سے شکست دی جبکہ دوسرے میچ میں بھارت نے پاکستان کو 6 وکٹوں سے شکست دی تھی، تیسرا میچ بارش کے باعث منسوخ ہو گیا تھا۔