ہم آپ کو بانی پی ٹی آئی سے ہدایات لئے بغیر بھی سن رہےہیں،ریاست کی سخاوت دیکھیں کہ وہ اعتراض بھی نہیں کررہے؛جسٹس ارباب طاہر کا سلمان اکرم راجہ سے مکالمہ 

اسلام آباد(ڈیلی پاکستان آن لائن)اسلام آباد ہائیکورٹ نے بانی پی ٹی آئی کے ایکس اکاؤنٹس پر پابندی کیلئے دائر درخواست پرسلمان اکرم راجہ نے کہاکہ بانی سے مشاورت کے بغیر مقدمے کے میرٹس پر دلائل نہیں دے سکتا، بانی مقدمے کے مرکزی فریق ہیں، ان سے ہدایات نہیں لینے دی جا رہیں،جسٹس ارباب طاہر نے کہاکہ ہم آپ کو بانی پی ٹی آئی سے ہدایات لئے بغیر بھی سن رہےہیں،ریاست کی سخاوت دیکھیں کہ وہ اعتراض بھی نہیں کررہے۔

نجی ٹی وی چینل دنیا نیوز کے مطابق بانی پی ٹی آئی کے ایکس اکاؤنٹ پر پابندی کیلئے دائر درخواست پر سماعت ہوئی،اسلام آباد ہائیکورٹ نے آئندہ سماعت پر درخواست کے میرٹ پر دلائل طلب کرلئے،بانی پی ٹی آئی کے اکاؤنٹ سے متعلق بیرسٹر گوہر سے جواب طلب کرلیا گیا۔