آئی پی ایل میں کام کرنے والے برطانوی براڈ کاسٹ انجینئر کی ہوٹل میں پراسرار موت

ممبئی(ڈیلی پاکستان آن لائن)انڈین پریمیئر لیگ میں کام کرنے والے برطانوی براڈکاسٹ انجینئر جین ولیم لینگفورڈ ممبئی کے ایک ہوٹل میں پراسرار طور پر مردہ پائے گئے۔بھارتی میڈیا رپورٹس کے مطابق لینگفورڈ ہوٹل کے کمرے میں بے ہوشی کی حالت میں ملے، جنہیں فوری طور پر ایک نجی ہسپتال منتقل کیا گیا جہاں ڈاکٹروں نے ان کی موت کی تصدیق کر دی۔رپورٹس کے مطابق جین ولیم لینگفورڈ بی سی سی آئی کے ساتھ بطور براڈکاسٹ انجینئر کام کر رہے تھے اور آئی پی ایل میچز کی کوریج کے سلسلے میں ممبئی میں موجود تھے۔